CEBU, Philippines – Mihinay-hinay na og distansya ang UTASSCO Utility batok sa ilang mga kaatbang human nila gipilde ang Water Market, 98-81 sa Power Forty President’s
Cup Summer League didto sa Inayawan Sports Complex.
Sa laing duwa, mikulit sa ilang ikaduhang daog ang Park ‘N Go Bakeshop human gipakaging ang Nelly’s Farm sa iskor nga 68-60.
Si Wilbor Cabrera mikulit og rekord sa Power Forty pinaagi sa paglansang og 51 puntos, samtang si Alex Mercado mitunol og 20 puntos alang sa UTASSCO, kinsa naghupot na karon og 6-1 nga baraha.
Ang presidente sa Power Forty nga si Vez Eleguin maoy nangulo sa Water Market pinaagi sa iyang 30 puntos. Ang Water Market nahimutang karon sa ikatulong dapit sa ilang 3-3 nga baraha.
Sa laing bahin, si Michael Arias mi-iskor og 26 puntos aron pangulohan ang Park ‘N Go, kinsa adunay 2-4 nga baraha, samtang si Carding Vernaiz, kinsa miposte og 20 puntos maoy nangulo sa Nelly’s Farm nga wala pa gyud makapupo og daog.
Puntos Matag Usa
Unang duwa:
UTASSCO (98) - Cabrera 51, Mercado 20, Traya 11, Nacional 8, Yosores 5, Labajo 2, Yu 1
Water Market (81) - Eleguin 30, Dela Rama 14, Abellana 11, Geonzon 7, Abella 7, Dacalos 6, Yosores 6
Ikaduhang duwa:
Park ‘N Go (68) - Arias 26, Dejarme 22, Layon 8, Ozon 6, Rama 2, Balbanera 2, Tura 2
Nelly’s Farm (60) - Vernaiz 20, Sabejon 16, Lisondra 12, Reyes 11, Albaño 5 – BANAT NEWS