CEBU, Philippines – Adunay pito ka teams ang mosalmot sa Junior Chamber International (JCI) Metro Cebu Uptown 1st Conference basketball tournament nga ulohan og “San Miguel Cup” nga mo-ulbo karong alas-5 sa hapon diha sa City Sports Club-Cebu sa Cebu Business Park.
Kini mao ang Mandaue Team-A nga gipangulohan ni Joel Cal, Mandaue Team-B ni Ed Latonio, Sherilyn Plastic/Rich Media ni Richard Mercado, Mack Mayer Printers ni team owner Christopher Chua, Arcason ni team owner Syc Jude Caya, Uptown Foundation ni playing coach Dr. Boy Te ug Zone 360 nga gipangulohan ni Janjan Boniel.
Ang opening game pagatambongan nilang JCI-Metro Cebu Uptown Chapter president Michael Davis III, executive vice president Carlos Porras ug si national vice president sa Central Visayas Atty. Donato Gonzales.
Molamas sa maong kalihukan mao ang paghagpat og Miss JCI 2009 ug best in team uniform.
Ang ubang mga opisyales sa organizing JCI-Metro Cebu Uptown mao si Reeve Jumawan (vice president for external affairs), Joey Sy , (vice president for internal affair), Gene Frederick Boniel (secretary-general) ug Niño Imboy (treasurer). – BANAT NEWS