CEBU, Philippines – Mga pambato sa Yaw-Yan ArDigma ni Master Benigno 'Ekin' R. Caniga Jr. maoy nidaog isip winngest contingent sa "Summer Kickboxing and Mixed Martial Arts Spectacle" nga gipresentar sa Extreme Kickboxing Challenge dili pa dugay didto sa Lapu-Lapu City Auditorium.
Sila si Danlo Tudtud ug Tom Woodfin maoy nangulo sa kalampusan sa Yaw-Yan ArDigma diin sila nagkinahanglan lang og usa ka hugna aron pagpasurender sa ilang tagsa-tagsa ka kaatbang.
Si Tudtud mi-iskor nga first round knockout ni Eleuterio Tapdasan sa GAF sa special fight, samtang si Woodfin mipatigbabaw dihang iya sab nga gipaundang sa unang hugna batok si Junrey Soquite sa Durex sa ilang superfight.
Lain pang Yaw-Yan ArDigma fighters nga nidaog mao sila si Jeff Malicay, Bon-Bon Llera ug Renan Noblefranca. – BANAT NEWS