CEBU, Philippines – Nagmalampuson ang gipahigayong 1st Kinatarkan Amateur Boxing Challenge niadong miaging bulan(dto kaarangay Langub, usa sa tulo ka barangay nga nahisakop sa Kinatarkan Island, lungsod sa Santa Fe.
Adunay 25 ka parisan sa amateur boxers lakip na niini ang lima ka paresan gikan sa Consolacion Boxing Academy (CBA) ug laing lima sa Kinatarkan Island ang nagbinukbukay ning maong boxing event nga namugna pinaagi sa mga paningkamot ni Langub barangay captain Rolando Villa Carlos ug ni konsehal Rudy 'Rod Maloy' Maloloy-on sa barangay Cansaga, Consolacion nga maoy coordinator ug ingon man sa iyang trainer sa CBA nga si Erwin Pulvera.
Nagmalampuson sab ang maong kalihukan pinaagi sa suporta ni Kongresista Benhur Salimbangon sa ikaupat
nga distrito sa lalawigan sa Sugbu.
Si Salimbangon pabor usab sa pagkaplag og masaarong amateur boxers dinhi sa Sugbu. Gani misaad kini nga andam siya mosuporta og mga amateur boxing challenge nga
anha ipahigayon sa iyang distrito.
Sa iyang bahin, si Roy Maloy mitug-an nga adunay gikatakdang laing amateur boxing challenge nga adto ipahigayon sa barangay Bitoon ug barangay Nagdan, nga pulos sakop sa Kinatarkan Island ubos gihapon kini sa promosyon sa CBA. – BANAT NEWS