CEBU, Philippines – Kanhi guwardiya sa University of San Jose-Recoletos (USJ-R) Jaguar Giovanni Canceko nakigtambayayong ni kanhi Baby Jaguar Baeng Medalle aron giyahan ang Viking Haulers paghakot og daog pinaagi sa paglubong sa Park ‘N Go Bakeshop, 102-84 sa nagpadayong aksiyon sa F. Llamas Youth Association (FYA) 1st Vice Mayor Mike Rama Cup niadtong Domingo didto sa Vicente Sotto Memorial Gym sa barangay Punta Princesa, ning dakbayan.
Si Medalle maoy topscorer sa Haulers nga miugkat og 21 puntos, samtang si Canceko mikandos og 18 puntos alang sa una nilang kadaugan sud sa tulo ka duwa.
Ang Park ‘N Go, kinsa wala pa makahaon og daog sa tulo ka duwa, gipangulohan nilang Carl Rama ug Kino Escalona nga misansan og 21 puntos matag usa.
Sa laing duwa, ang Kuya Allan mirehistro sa ilang ikaduhang daog human gipilde ang Jayra Team sa iskor nga 94-85.
Si Kenneth Marqueda miposa og 31 puntos, samtang si Ranel Patalita miamot og 27 puntos alang sa Kuya Allan, kinsa nagbitbit og 2-2 nga baraha.
Ang Jayra gipangulohan sab nilang Niño Manubag ug Bikeng Rolon. Si Manubag mihakot og 23 puntos, samtang si Rollon mikimada og 22 puntos.
Ang torneyo sa FYA gipaluyohan ni Punta Princesa barangay captain Rolly Diorico, barangay councilor Ray Gabriel Salgado ug tournament chairman Boy Atillo.
PUNTOS MATAG USA
Unang duwa:
Viking Haulers (102) - Medalle 21, Canceko 18, Limbaga 14, Ardon 14, Aguirre 13, Trinidad 8, Cal 5, Potencioso 4, Luague 2
Park ‘N Go (84) - Rama 21, Escalona 21, Camacho 17, D. Enriquez 13, Añasco 6, Lumapguid 4
Ikaduhang duwa:
Kuya Allan (94) - Marqueda 31, Patalita 27, Reobal 10, Medalle 7,
Quita 7, Canceko 6, Rabadon 2, J. Yalanan 2, R.
Yalanan 1
Jayra (85) - N. Manubag 23, Rollon 22, Del Mar 10, P. Manubag 9, Salazar 6, Pacaña 4, Aglipay 4, Ylanan 4, Zapanta 3 - BANAT NEWS