CEBU, Philippines - Nakalingkawas ang Oslob team bitbit ang 89-85 nga kadaugan batok sa Alcoy Miners, samtang ang Boljoon milubong sa Sibonga, 98-78 sa inter-town division sa Mayor Edsel Galeos Cup 2009 niadtong Domingo didto sa bag-ong gitukod nga Pres. Diosdado Macapagal Sports and Cultural Center sa lungsod sa Argao, Cebu.
Sa commercial division, ang Firebulls walay puangod nga nimasaker sa Cup-J sa iskor nga 81-54.
Si John Lastimosa maoy nangulo sa opensiba sa Oslob sa iyang 28 puntos, samtang ang playmaker nga si Diodato Lunday midugang og 19 puntos.
Ang Boljoon ni playing coach Anjo Nicanor gipangulohan ni Gilbert Andujar nga miposte og 26 puntos, gisundan ni Resty Getubig nga mipabuto og 22 puntos. Si Noel Alima mao sab ang topscorer sa Sibonga sa iyang 22 puntos.
Sa laing bahin, si Miss Charissa dela Cruz, 21-anyos ug junior BS Tourism student sa University of Cebu (UC) Banilad campus nga maoy nirepresentar sa Sibonga maoy napiling Miss Inter-Town, samtang si Tracy Maureen Perez, 16-anyos ug high school student sa St. Michael School sa Argao nga nirepresentar sa Poblacion-C team maoy napiling Miss Inter-Zonal muse.
Si Argao Mayor Edsel A. Galeos maoy pormal nga mibukas sa torneyo.
PUNTOS MATAG USA
Unang duwa:
Oslob (89) - Lastimosa 28, Lunday 19, Soriano 12, Ronolo 9, Delasalde 8, Singson 4, Mirasol 3, E. Laping 3, Abines 3
Alcoy (85) - Alvarado 23, Plando 16, Carungay 15, Antido 10, Antig 8, Anor 8, Delos Santos 3, Kong 2
Ikaduhang duwa:
Boljoon (98) - Andujar 26, Getubig 22, Alibango 12, Sesaldo 10, Medida 7, Nianor 5, Binagatan 4, Estella 4, Antiporta 3, Derama 3, Tanato 2
Sibonga (78) - Alima 22, Limbaga 15, Olivar 8, Padilla 7, Rubi 6, Gandiongco 6, Anuada 5, Ledesma 4, Banogon 3, Alegrado 2 (BANAT NEWS)