CEBU, Philippines - Ang gipaabot nga "Kadaugan sa Mactan Basketball/Volleyball Tournament 2009" mo-ulbo karong Abril 20 nga ipahigayon sa managlahing mga binyu sa Lapu-Lapu City.
Usa kini ka inter-barangay nga kompetisyon diin ang nagkadaiyang barangay sa Lapu-Lapu ug sa Olango Island ang mosalmot.
Ang torneyo unang gitawag og "Lapu-Lapu Mayors Cup 2009 Inter-Barangay Summer League," apan giusab kini og "Kadaugan sa Mactan Basketball/Volleyball Tournament" tungod kay kabahin man kini sa nagsingabot nga selebrasyon sa Kadaugan sa Mactan.
Ang maong torneyo gipasiugdahan ni City Mayor Arturo Radaza uban sa abag sa Lapu-Lapu City Sports Commission nga gilangkuban nilang Henry Radaza, Norvin Imbong, Larry Villanel ug Ronald Coseb. – BANAT NEWS