CEBU, Philippines - Gilubong sa AMBL Enterprises & Advertising ni tePakyas pagsakmit og back-to-back championship si Philip Duenas dihang giapsan ni Rene Desuyo sa second leg sa Run For Sight Monthly Series gahapon didto sa Cebu Doctors University, Mandaue reclamation area.
Ang lumad nga taga Negros Occidental nga si Desuyo mitapos sa lumba sa oras nga 34:43.32 samtang si Duenas nagsunod kaniya sa oras nga 37:17.79.
Si Charlie Berberio mipahiluna sa third place dala ang oras nga 37:22.88, samtang si Brandon Bon mipwesto sa fourth sa oras nga 43:41.47.
Si Dr. Yong Larrazabal mitapos sa lumba sa oras nga 46:14.29 .
Mokumpleto sa lista sa top 10 sa mens open mao sila si Dr. Harem Deiparine (47:56.62), Vincent Aguanta (48:28.41), Jojo Canete (48:52.92), Jofre Nastor (50:36.7) ug Ric Dizon (50:40.62).
Sa women’s division, si Gerly Rose Baylon maoy nanghawud sa oras nga 53:13.58. Si Vivien Biagan maoy second placer (55:41.87) ug si Abby Ponce (56:37.09) alang sa third place.
Ang kanhi aktres ug singer nga si Donna Cruz-Larrazabal mipahiluna usab sa fourth place sa iyang oras 57:16.27. - Lemuel P. Maglinte (BANAT NEWS)