Cebu batok Ilocos Sur

CEBU, Philippines - Mosugod na ang defending National Champion ug third seed M. Lhuillier-Cebu Niños pagdepensa sa ilang korona batok sa sixth seed Ilocos Sur Bravehearts sa Game-1 sa "best-of-five" quarterfinal series sa 2009 Smart Liga Pilipinas Conference II karong adlawa diha sa University of San Carlos (USC)-main gym.

Ang duwa sugdan sa alas-6 sa gabii.

Ang Cebu Niños ni businessman-sportsman Michel Lhuillier ug coach Raul 'Yayoy' Alcoseba pabor nga maoy modaog sa ilang duha ka duwa batok sa bisitang Bravehearts niini nga conference. Kaduha nidaog ang Cebu Niños atol sa Ilocos Sur Leg -- 87-84 sa preliminaries ug 80-63 sa Third Place game.

Sa maong duwa, ang Cebu Niños mipahimulos sa serbisyo nilang Marlon Basco, Woodraw Enriquez, Bruce Dacia, Mark Ababon, Danny Aying ug Ron Capati.

Sa ilang bahin, ang Bravehearts ni Gov. DV Savellano ug coach Gino Manuel maghangad sa maayong performance sa ilang mga sinaligan sama nilang Ismael Junio, Elbert Alberto, Nat Cruz, Chris Santos, Marvin Yambao ug Christian Cabatu.

Ang Game-2 ug Game-3 duwaon ugma sa Sabado diha gihapon sa USC gym.

Kun adunay Game-4 ug Game-5, dad-on kini didto sa Santo Domingo People's Center sa Ilocos Sur sunod semana. – BANAT NEWS

Show comments