Cebu - Nagpanikad na ang mga sakop sa Atan Guardo running team nga modagan sa prestihiyosong 13th Standard Chartered Hong Kong Marathon karong Pebrero 8.
Ang maong team nga gilangkuban og walo ka miyembro pangulohan sa managsuong Guardo -- Jonathan, Jeson ug Jerry uban nilang Genito Guardo, Edwin Ratilla, Allan Delantar, Joel Garganera ug ang The Freeman sports columnist Raffy T. Uytiepo.
"Though we are all first timers, we are going for a decent finish in the race because we’ve been training hard for the Hong Kong marathon for over three months now. I’m very excited about it considering that it’s a very challenging event that will stretch the boundaries of your endurance and test your physical limits to the max," matud pa ni team captain Atan Guardo, ang two-time SAC-SMC "Sportsman of the Year" awardee.
Moagak sa Guardo runners mao ang Uniherb Philippines, usa sa nag-unang health companies sa nasud nga nagbaligya sa nabantog na kaayong food supplements sama sa Arthro, Kidneycare, Heartvit, Diabet ug Eyeberry.
Ning tuiga, adunay gidugang nga duha ka lumba ug mas daku nga ganti aron mahugyaw ang maong karera nga gipasiugdahan sa Hong Kong Amateur Athletic Association (HKAAA) ug Standard Chartered Hong Kong Marathon Organizing Committee.
Ang gipuno mao ang 10K Run ug ang Half Marathon.
Sa kinatibuk-an, adunay giandam nga US$100,000 ganting salapi alang sa top performers sa full marathon race.
Ang organizers mohatag sab og special incentives ug ganti alang sa Hong Kong permanent residents, lakip ang award nga HK$1,000 alang sa mga lalake kinsa motapos sa full marathon ubos sa 3:00:00 ug sa mga babaye kinsa motapos ubos sa 3:30:00.
Ang marathon mosubay gihapon sa rota nga giagian sa miaging tuig. Ang full marathon ug half marathon manukad sa Nathan Road sa Tsim Sha Tsui ug matapos sa Victoria Park. Ang 10K race sa makausa pa, mogamit gihapon sa Island Eastern Corridor. - Gikan sa PR (BANAT NEWS)