Cebu - Ang presidente sa Cacoy Doce Pares World Eskrima Pangamot Federation nga si Grandmaster Ciriaco ‘Cacoy’ Cañete mihatag og promosyon ngadto sa lima niya ka ginsakopan ngadto sa pagka-masters niadtong miaging adlaw.
Upat sa gi-promote mga Australians ug usa ka German national.
Ang mga Australians mao sila si Michael Barker, Diony Tijadillo, Omar Paulo ug Michael Escario, samtang ang bugtong German national mao si Tobias Ricker.
Ang lima gi-promote usa ka adlaw human sa Cacoy Doce Pares reunion nga gitambongan ni Cebu City acting mayor Michael L. Rama niadtong Enero 10. - Gabby G. Malagar (BANAT NEWS)