Mas pinili mang iupo si 6-foot-6 Romel Adducul para sa kanyang pagbabalik sa hard-court, inaasahan namang muli itong makikipagsabayan sa rebounding sa susunod na laro ng Purefoods Tender Juicy sa 2008 PBA Philippine Cup.
Matapos ang halos siyam na buwan na nawala sa aktuwal na kompetisyon mula sa pagkakaroon ng nasal pharynx cancer, muling isinuot ng 32-anyos na si Adducul ang kanyang uniporme sa 96-93 panalo ng Giants sa Talk ‘N Text Tropang Texters noong Linggo.
“Just to see him alive and in the Purefoods’ jersey again is just enough inspiration to everybody. He might be forcing himself to do things na hindi pa siya ready. Sabi ko baka next game na lang,” ani Purefoods’ coach Ryan Gregorio sa pagpapaupo niya kay Adducul sa bench laban sa Talk.’N Text.
Ang three-time NCAA Most Valuable Player awardee, ayon kay Gregorio, ang siyang nagsisilbing ‘positive energy’ ng Giants.