CEBU - Miposte na sab ug laing daug ang Criminal Intelligence and Investigation Bureau (CIIB) Detectives dihang ilang girapido ang Maroon Team sa iskor , 79-71 aron paglansang sa ilang ikaduhang daug sa nagpadayon nga Labangon Youth Association (LAYA) 1st Ritchie Osmeña Cup kaniadtong Sabado sa gabii didto sa Labangon Sports Complex.
Sa sayo pa, ang MLS Team milampurnas sa Gold Team, 80-58.
Si Joseph Bugtai ug Arnel Veloso nagkumboya og 34 puntos aron pangulohan ang opensa sa CIIB sa ilang 19 ug 15 puntos sa mata’g usa kanila ug ilang gisaw-an ang liderato tali sa wala gihapo’y pilde nga Trisha & Tracy kinsa nagbaton sab og 2-0 nga baraha.
Ang kapildehan maoy naghatod sa Maroon ngadto sa 1-2 nga baraha.
Si Fel Pardenilla maoy nangu sa Maroon pinaagi sa iyang 21 puntos.
Sa sayo pa, sila si Nelson Luage ug Bernabe Ylanan pareho sab nga mihakot ug 19 ug 15 puntos aron pangulohan ang MLS ug si Marlon Siaotong midugang og 12 puntos.
Ang Gold nga wala gihapo’y daug sa ilang duha ka duwa (0-2), gipangulohan ni Cyndee Rollon kinsa mihimo’g 13 puntos samtang si Tata Along may 12 puntos ug si Jeff Hisoler may 11 puntos.
Ang mga advisers sa LAYA mao sila si Mark Ylanan ug Police Supt. George Ylanan kinsa maoy pangu sa CIIB.
Puntos kada usa:
First Game:
TEAM MLS (80)— Luage 19, Ylanan 15, M. Siaotong 12, Siaotong 10, Reyes 8, Montebon 8, Trinidad 6, Banglus 2,
Yellow (58)—Rollon 13, Along 12, Hisoler 11, Ursal 6, Solon 4, Antiporta 4, Rosales 3, Villanueva 3, Balona 2, Rustere 2
Second Game:
CIIB Detectives (79)—Bugtai 19, Veloso 15, Maglinte 9, Dignos 7, Maucesa 6, Pondilig 6, Ydanes 6, Plasus 4, Quita 4, Aldemida 3
Maroon (71)— Pardenilla 21, Bacalla 15, Maucesa 12, Saceda 9, Parilla 6, Pesaña 4, Laresma 3, Marson 2, Saceda 1. - Gabby G. Malagar (BANAT NEWS)