CEBU - Milampos dayon sa una nilang duwa ang Lola Carmen Chicharon ug ang Trisha & Tracy atol sa pagbukas sa torneyo nga gipasiugdahan sa Labangon Youth Association (LAYA) sa miaging gabii atol sa 1st Richie Osmeña Cup didto sa Labangon Sports Complex.
Si Noel Medalle mipabuto og lima ka three-point shots aron pangulohan ang Lola Carmen Chicharon ngadto sa 66-63 nga kadaugan batok sa MLS Team ug ang Trisha & Tracy naka-ipsot sab batok sa LAYA-Green Team, 73-69.
Sa laing duwa, si Jade Flores moy nangu sa Trisha & Tracy pinaagi sa iyang 29 puntos ug si Sonny Nemeño may 13 puntos.
Ang LAYA gipangulohan sa ilang presidente nga si Raffy Ylanan. Ang duha ka laing aktibo nga opisyales mao ang bise-presidente nga si Marcelo Zapanta ug ang treasurer nga si Chammy Solon.
Ang mga advisers sa LAYA mao sila si Mark Ylanan ug si S/Insp. George Ylanan, ang kanhi hepe sa Criminal Intelligence and Investigation Branch (CIIB).
Puntos kada usa:
First Game:
Lola Carmen (66)— Medalle 21, Sasan 17, Papallero 8, Allanic 7, Garnasa 3, Gallardo 3, Villaraza 2, Escat 2, Alega 2
MLS (63)— Taboada 17, Siatong 9, Ylanan 8, M. Siatong 8, Meontebon 4, Parba 4, Banglos 2, Reyes 2, Espinosa 2, Luage 5
Second Game:
Trisha & Tracy (73)—Flores 29, Nemenzo 13, Zapanta 8, Navaja 7, Scedon 5, Jabines 4, Magkilat 3, Boysello 2, Cajigas 1
LAYA-Green (69)—Abella 27, Subingsubing 13, Navaja 9, Pañares 5, Sangcada 4, Bacus 4, Tito 3, Ylanan 2, Ynot 2. –BANAT NEWS