JAKARTA, Indonesia — Nasibak sina Dennis Orcollo at Alex Pagulayan sa semifinals matapos mabigo sa mga kalaban mula sa Chinese Taipei sa Guinness 9 Ball Tour 2008 Grand Final kahapon sa Mal Taman Anggrek.
Yumukod si Pagulayan, nanalo sa Singapore leg, kay 2004 World Pool champion Wu Chia Ching, 6-9, habang natalo naman si Orcollo, ang kampeon sa Guangzhou leg, kay Yang Ching Shun, 5-9.
Nagkasya ang dalawang Pinoy sa $5,400 conso-lation prize matapos makarating sa semifinals ng six-city tour na inorganisa ng ESPN STAR Sports.
Sa labanan ng mga former World Pool champions, agad nabaon ang 30-gulang na si Pagulayan, 1-4 ngu-nit nagawa niyang limapit sa 3-4, ngunit dahil sa ilang miscues, nakalayo ang 19-anyos na si Wu matapos kunin ang apat na rackes, 8-4. Nakalapit pa si Orcollo sa 6 -8, ngunit hindi niya nasustinihan ang paghahabol.
Isang puntos lamang ang hinahabol ni Orcollo, ang current WPA world No. 1, 5-6 ngunit tinapos ng kanyang karibal na si Yang ang laban dahil sa mga di inaasahang pagmimintis ng Pinoy.