CEBU - Hugot nga trapping defense ang gipatuman sa Hapee Online Camp aron ilubong ang Sacred Heart Blue Eagles, 87-66 sa nagpadayong Hapee Online Basketball League 2nd Challenge Cup niadtong Domingo didto sa Guadalupe Sports Complex.
Epektibo kaayo ang depensa sa Training Specialists ug gani ila na nga gibiyaan og 21 puntos ang Eagles sa first period.
Ang idlas nga point guard sa Hapee nga si Mark Jayven Tallo, maoy mitimon sa duwa ug bisan pa’g nakasikit ang Eagles.
Ang gamatoy'ng point guard ug defensive specialist nga si Jomari Dinsay maoy nangu sa gilusad nga rally sa Eagles sa third period aron pagkitkit sa dakung labaw sa Hapee, 52-55, apan mao lang kadto ang maayo nilang nahimo kay ang training specialists mihimo'g trapping defense ug wala nila lugaki hangtod nga nahurot ang oras sa duwa.
Si Tallo, kinsa sakop sa CESAFI Mythical Team, maoy nangu sa training specialists sa iyang 23 puntos.
Sa laing duwa, ang CIT Hoop It Up pinaagi sa liderato ni Wilkin Sanchez mipukan sab sa Indiana Aerospace University (IAU), 65-58.
Puntos Matag Usa
HAPEE ONLINE (87) -- Tallo M 23, Codilla 18, Onting 14, Brigoli 12, Cutamora 6, Getalla 6, Tallo J 4, Tan 2, Figuracion 2
SHS-J (66) -- Alicias 11, Rama 11, Dinsay 10, Valmoria 8. Tagaloguin 8, Gabuya 4, Smith 4, Ventura 4, Dotillos 2, Roma 2, Acusar 2. – BANAT NEWS