CEBU - Mirehistro og 6.0 puntos si Allerie Somosot aron paghari sa October edition sa Talisay City Chess Monthly Tournament didto sa Talisay South Central Square sa barangay Lawaan II.
Si Somosot, sakop sa chess varsity team kaniadto sa dihang nagtungha pa kini sa high-school mao sab ang kampiyon sa 1996 Talisay Mayor’s Cup.
Ang 15-anyos nga si Yves Fiel sa Argao, Cebu ug si Rex Baylosis, pulos mitapos sa torneyo nga miposte og 5.5 puntos, apan si Fiel maoy miangkon sa ikaduhang dapit pinaagi sa higher tie-break output. Si Ryan Villacorta mitapos sa ikaupat nga dapit ning 7-round Swiss system nga kompetisyon.
Mikompleto sa top 10 finishers mao sila si Venencio Loyola, Peterson Sia, Vicmil Pepito, Albert Acabo, Michael Pinar ug Jessie Supangan.
Sa kiddies division, ang top five performers mao sila si Roy Jason Ortouste, Alex Sombillo, Diego Claro, KC Morilla ug Jethro Ysmael Claro. – BANAT NEWS