CEBU - Gipukan sa mga higanteng cager sa Quatar National Team ang Magnolia Beverage Masters, 71-62 sa exhibition match niadtong miaging adlaw didto sa Al Gharaffa Sports Club sa Doha, Quatar.
Ang Masters maoy unang nipakita og nindot nga opensiba diin mikulit kini og 12 puntos nga labaw, apan namugnaw kini sa nahabiling dos minutos sa second quarter dihang gipabuthan sila sa Quatar og 10-0 nga rally, 53-44.
Nagpadayon sa pagpasulod sa ilang mga tira ang host team sa pagpangulo ni forward Erfan Ali Saeed aron inaton ang ilang labaw sa 8:15 sa third period, 67-51.
“We lost our focus and discipline. We failed to sustain our interior defense,” matud pa ni Masters' head coach Siot Tanquincen.
Ang 6-foot-9 nga si Erfan Ali Saeed miposte og 17 puntos aron pangulohan ang Qatar National, gisundan ni Turky Ali nga mipugnit og 13 puntos samtang ang 6-foot-11 nga si Hashim Zaidan
Saeed mitunol og kuwatro puntos.
Ang garbo sa Sugbu nga si Dondon Hontiveros miposte og 24 puntos aron sab pangulohan ang Masters.
Ang Masters magpadayon sa ilang game tour sa Middle East agi’g pagpangandam sa umaabot nga 34th season sa Philippine Basketball Association . – BANAT NEWS