CEBU - Nakatilaw na gyud og daog ang San Roque human gipilde ang Lawaan 3, 73-67 sa seniors division sa Talisay City Mayor’s Cup 2008 basketball tournament sa miaging gabii didto sa Talisay City Sports Complex.
Sila si Mark Diosimito, Evan Antipuesto ug Carlito Sabellano nagkumboya og 38 puntos alang sa San Roque nga milansang sa ilang unang daog sa tulo ka duwa. Sa laing bahin, ang Lawaan I mikulit sab sa ilang labing unang daog human nakalusot sa Camp 4 sa iskor nga 70-69 sa kumbati sa SK division.
Nangu sa Lawaan I mao si Philip Jordan Isidro sa iyang 22 puntos.
Sa laing duwa sa SK division, ang Linao naka-eskapo sab bitbit ang 62-60 nga kadaugan batok sa San Isidro.
PUNTOS MATAG USA
Unang duwa:
(SK Division)
Lawaan I (70) -- Isidro 22, Borgonia 18, Lope 17, Soria 6, Bacatan 5, Manigos 2.
Camp 4 (69) -- Abastas 27, S. Racal 18, Cabatingan 9, D. Racal 7, Navecilla 6, Baculi 2.
Ikaduhang duwa:
(SK Division)
Linao (62) -- Tabas 23, Genterone 18, Briones 12, Villarin 5, Quandasan 2, Pino 2.
San Isidro (60) -- Omambac 19, Kho 13, Navaja 7, Salazar 6, Villagonzalo 6, Cañeda 3, Olazo 2, Balabat 2.
Ikatulong duwa:
(Seniors division)
San Roque (73) -- Diosimito 15, Antipuesto 13, Sabellano 10, Nadal 8, Fernandez 7, Layaguin 6, Naag 4, Antipuesto 3, Estella 3, Alfreda 2, Ylanan 2.
Lawaan III (68) -- Baclayon 27, Pamatong 16, Gabaca 8, Abe 6, Bolo 4, Alcaraz 2, Talara 2, Paquit 2 (BANAT NEWS)