Bisan unsa pa kahanas ang usa ka bilyarista, may mga higayon gayod nga maglisod siya pagkuha sa iyang rhythm. Kini mahitabo sa iyang paggamit sa lain-laing matang sa billiard table.
Bisan managsama ra'g sukod ang billiard table apan may lain-lain kining epekto ngadto sa magdudula. May nag-ingon nga depende kini sa pagkahimo. Depende sab sa mga dapat nga gigamit paghimo sa lamesa. Ang hapin sa ibabaw nga bahin makaapekto sab.
Kun maoy tuyo sa magdudula ang pagsuta kun naa ba siya sa hustong rhythm sa pagdula ginamit ang usa ka partikular nga matang sa lamesa nga wala niya kaandi, labing maayo nga sa dili pa magsugod ang dula mopahigayon una siya'g warm-up.
Sa dili pa magsugod ang dula, magtira-tira una siya sa ibabaw sa lamesa sa lain-laing posisyon sa object ball. Kinahanglan nga iyang sutaon ang iyang rhythm aron dili siya mobati'g kabakikaw kun pormal na unyang sugdan ang panagsangka.
Sa laing pagkasulti, kinahanglang maka-adjust na ang magdudula sa iyang kaugalingon sa dili pa magsugod ang dula aron mahingpit siyang andam sa kompetisyon. Ang rhythm factor importante kaayong makuha dayon aron mas epektibo ang magdudula sa pagpahigayon niya'g mga tayada.
Ingon nga dili sayon ang pagpakig-uban sa tawo nga dili nimo sinati ang kinaiya, mao usab sa billiard table nga dili pa nimo sinati ang "sugot' sa pagtira. Maglisod ka pagkuha sa imong rhythm sa lamesa nga wala nimo kaandi busa kinahanglang bansayon mo ang imong kaugalingon mahitungod niini.
Si Ashok Kumar, iladong sports person nga nakasulat og libro bahin sa billiard ug snooker, miingon nga ang pagsuta sa rhythm sa magdudula usa ka basic nga bulohaton sa usa ka responsabling magdudula.
* * *
MAGBILYAR TA TEXTMATE PORTION: 0906-7044828, 0909-5388312 (Wina), 0905-8827146, 0928-5631075, 0910-9254563, 0910-7926968, 0910-6016870 (Sandie), 0909-3857571 (Bakakon), 0910-2214947 (Amawaka), 0926-8465065, 0919-2884032 (Punye), 0923-8433283, 0920-7118723, 0929-6025729, 0929-6774052, 0919-8260552, 0920-7891234 ug 0929-6025443. Text na!
* * *
(Mga sugyot ug pakisayod? Text sa 0910-8105522)