Seguradong kulbahinam nga kumbati sa upat ka koponan ang mahitabo sa pagsugod sa Asturias Inter-barangay Reinforced basketball tournament semifinals didto sa Asturias Sports and Cultural Complex sa Asturias, Cebu.
Kini gumikan kay ang matag koponan mahimong mokuha og duha ka imports gikan sa nagkalain-laing koponan sa dakbayan sa Sugbu.
Kini human sab magkauyon ang mga coaches atol sa ilang panagtigum nga gipangulohan ni Bise Mayor Joel D. Dumdum, ang Executive Chairman Execum 2008 uban ni Deogracias E. Caligner, ang chairman sa maong kalihukan.
Unang magtigi mao ang RM Cagers batok sa Poblacion nga gikatakda sa alas-7:30 sa gabii, samtang ang magsangka sa main game mao ang Hannah Lancers ug Looc Norte sa alas-9:30 sa gabii.