Miserbato si World Boxing Association (WBA) matchmaker of the year Sampson Lewkowicz nga si WBA president Gilberto Mendoza nakaangkon og shoulder injury atol sa iyang tune-up session agi’g pangandam sa iyang special bout ubos sa gipaabot “Laban Na Banal card karong Sabado sa Cebu Coliseum.
Si Mendoza gikatakda unta nga makigsinukliay og kumo ni kanhi Philippine champion Ernie Alesna sud sa tulo ka hugna nga molamas sa maong promotion.
Sa laing bahin, si WBA ratings director Jose Gomez mitug-an ngadto ni ALA Promotion president Michael Aldeguer nga ang WBA interesado motabang sa Games and Amusements Board pag-officiate sa Intercontinental minimumweight championship fight tali ni Milan ‘Milenyo’ Melindo ug Carlos ‘Shanghai’ Melo.