World Eskrima Kali Arnis Championship (WEKAF) Sparring Event karong Hulyo 23 sa Ayala Center-Cebu.
Si Zubiri dili lang mosaksi kundili mopakita sab sa iyang abilidad diin iyang sakbangon si Master Rudy Rey sa usa ka hugna nga stickfighting.
Si WEKAF organizing council chairman Gerald Cañete nagkanayon nga ang WEKAF nadasig sa pagsanong ni Zubiri nga motambong sa world championships.
"The honorable senator's presence in the event will add prestige to the 10th World Championships and the eskrima community for he is known not just an ardent supporter of Filipino martial arts but also an undefeated tournament fighter during his fighting years," matud pa ni Cañete.
Lab-ason og balik ni Zubiri ang iyang naangkon nga dungog sa nanglabay'ng mga katuigan dihang wala kini pilde-pilde sa tanang arnis kompetisyon nga gipaluyohan sa Arnis Association of the Philippines (Naraphil).
Ang Naraphil gipangulohan ni General Fabian Ver ug Supreme Grandmaster Dionisio Cañete, kinsa maoy founder ug chairman emeritus sa
WEKAF.
Si Zubiri adunay 29 ka daog ug usa ang tabla gikan sa 1985 hangtod sa 1993.