Sa ikatlong sunod na panalo nakatuon ang Colegio de San Juan de Letran para muling masolo ang pamumuno, ikaapat na sunod na tagumpay naman ang pakay ng Mapua Institute of Technology na posibleng magkaloob sa kanila ng liderato.
Wala pang talo ang Intramuros-based dribblers sa kanilang 2 laro.
Hangad ng Letran Knights ang panalo laban sa kulelat na Philippine Christian University na gigil nang makatikim ng tagumpay sa tampok na laro sa alas-4:00 ng hapon sa pagpapatuloy ng 84th NCAA men’s basketball tournament sa Cuneta Astrodome.
Sa unang laro, makakasagupa naman ng MIT Cardinals ang mapanganib na College of St. Benilde sa alas-2:00 ng hapon pagkatapos ng engkwentro ng kanilang junior counterparts sa opening game sa alas-11:30 ng umaga. (RCadayona)