Lab-as pa gikan sa ilang kadaugan sa 6th Mayor’s Cup, ang Cebu City Hall Employees Association (CHEDA) nangandam sa laing lisud nga tahas diin mokumbati kini sa 2008 Philippine Master Darts Tournament karong Hulyo 18 adto sa Gaisano City Mall sa San Carlos City.
Si Bert Colong Jr., ang CHEDA team manager nagkanayon nga nakadawat na sila og abiso gikan ni Mayor Tomas Osmeña aron moapil sa maong kompetisyon.
Gumikan niini, ang CHEDA maoy opisyal nga representante sa dakbayan sa Sugbu sa nasyonal nga torneyo.
Uban ni Colong sa national open mao sila si William Encorporado, Yoko Quilope ug Jomar Amerol.
Gawas sa CHEDA, daghan pang mga Sugbuanon ang naglaraw nga mosalmot sa maong kompetisyon, apan nangaplag pa kini og sponsors nga mopaluyo kanila.