Napuslan gyud ang paningkamot
nga gipakita sa Sky Blue Pilipinas ug ilang gipukan ang White Believers sa nagpadayong Kamagayan SK Sports League 2008 didto sa Kamagayan basketball court, ning siyudad.
Miratsada dayon ang
Sky Blue Pilipinas aron pag-abante og kuwatro puntos, 17-13
sa unang 10 minutos sa duwa.
Sa kagamay sa biya ug sa kakugi sa White Believers nakahimo kini sa pagtabla, 23-all sa tunga-tungang bahin sa second quarter. Apan nabuak ang panagtabla dihang si Oliver nakapasud og usa ka free throw aron hatagan og uno punto nga bentaha ang White Believers, 24-23. Giilog sab hinuon dayon sa Sky Blue Pilipinas ang labaw sa first half, 27-26.
Sa fourth quarter, hinay-hinay nga mitubo ang labaw sa Sky Blue Pilipinas, 40-37 ug ila na sab nga nakontrolar ang nahabiling oras sa maong duwa.
Si Allan Villarin maoy topscorer sa Sky Blue Pilipinas sa iyang 15 puntos ug ang White Believers gipangulohan ni San-san Perez nga mao ra ang bugtong mikulit og double digits nga 13 puntos.
Ang Kamagayan SK Sports League 2008 gipasiugdahan sa Sangguniang Kabataan (SK) nga gipangulohan ni Hon. Michelle Ocampo uban sa abag sa Kamagayan Barangay Council ubos sa liderato ni Brgy. Capt. Celestino Avila.
PUNTOS MATAG USA
SKY BLUE PILIPINAS (50) -- Villarin 15, Tilos 13, T. Albeos 10, Tango 4, E. Albeos 2, Arehdian 2.
WHITE BELIEVERS (43) -- Perez 13, Jerome 8, Oliver 5, Dexter 5, Igo 4, Rosal 4, Randy 2, Roland 2