Miagi una og hagip-ot nga dalan ang Panagdait-A sa wala pa kini maka-ikyas gikan sa mga kamot sa Univille sa ilang kulbahinam nga kumbati sa iskor nga 77-76 sa nagpadayong Kasambagan SK Sports Festival 2008 didto sa Vitaliano M. Colina Sports Complex sa barangay Kasambagan, ning siyudad.
Ang Panagdait-A miabante og kuwatro puntos, 19-15 sa unang kuwarter, apan ang Univille luyo sa paningkamot ni Earl Erit nakabawi sa sunod nga kuwarter aron pag-ilog sa momentum ug ingon man pag-angkon og sayes puntos nga bentaha, 34-28 sa first half.
Sa katapusang duha ka kuwarter, kontrolado na sa Panagdait ang maong aksiyon hinungdan nga wala na makaapas ang Univille.
Si Rodrick Flores, kinsa mihipos og 20 puntos maoy nangulo sa kadaugan sa Panagdait-A, miabag sab si Romeo Balansag pinaagi sa iyang 11 puntos. Ang pilderong Univille gipangulohan ni Erit sa iyang 19 puntos, gisundan ni Bonifacio Zanoria, kinsa miamot og 17 puntos.
Ang Kasambagan SK Sportsfest 2008 gipasiugdahan sa Sangguniang Kabataan (SK) nga gipangulohan ni Hon. Erica Daag uban sa abag ni Brgy. Capt. Jose 'June' Lim Jr. ug Kagawad Allan Daag.
Puntos Matag Usa
PANAGDAIT-A (77) -- Flores 20, J. Balansag11, Maano 10, Perpetua 9, R. Pepito 8, R. Balansag 7, J. Pepito 6, Sanchez 4, Magno 2.
UNIVILLE (76) -- Erit 19, Zanoria 17, Ponteras 15, Avila 5, Agat 5, Cabucos 5, Baguio 4, Ventura 4, Almario 2.