Nakaangkon na og luna sa finals ang Christine Traders human gipalagpot ang Amihan Bags pinaagi sa pagpilde, 87-82 sa Power Forty President Cup 2008 Summer League didto sa Inayawan Sports Complex.
Lima sa unom ka magduduwa nga naka-iskor ang mirehistro og double figures alang sa maong kadaugan.
Ang lima mao sila si Allan dela Rama, Joey Escalon, Edwin Dejacto, Vez Eleguin ug Jun Sabellano. Bugtong si Chris Dacalos ang wala makahimo'g double digits.
Ang Christine makigsangka sa Fag Machine sa finals karong Martes.
Ang Fag Machine nakasud sab sa finals human ilang gimasaker ang Hero Commando, 72-62.
Si dela Rama maoy nangu sa Christine sa iyang 22 puntos, gisundan ni Escalon nga adunay 20 puntos, Dejacto sa iyang 16 puntos, Eleguin, ang presidente sa Power Forty miamot og 14 puntos ug Sabellano kinsa mitampo og 13 puntos.
Sama sa naandan, si Michael Arias maoy nangu sa Amihan nga mipupo og 29 puntos.
Sa laing duwa, si Konsehal Mario Tabar mihipos og 27 puntos aron pangulohan ang Fag Machine, samtang si Bobong Rosal mao sab ang nangulo sa napukang Hero Commando sa iyang 15 puntos.
Puntos Matag Usa
Unang duwa:
Christine (87) - Dela Rama 22, Escalon 20, Dejacto 16, Eleguin 14, Sabellano 13, Dacalos 2
Amihan Bags (82) - Arias 29, Layon 15, Ozon 12, Rama 11, Echavez 6, Colinares 6, Dejarme 3
Ikaduhang duwa:
Fag Machine (72) - Tabar 27, Fuentes 12, Ylaya 9, Abasolo 8, Mosqueda 6, Villoga 4, Kalinga 4, Sabejon 2
Hero Commando (62) - Rosal 15, Lalican 13, Javierto 9, Cabañero 8, Ibones 8, Genzon 7, Rabadon 2