Tulo ka mga tirador sa Pulangbato miposte og double figures aron ituboy ang ilang koponan ngadto sa kadaugan batok sa Agsungot, 79-72 sa Osmeña Cup Inter-barangay Summer Basketball League Central Division didto sa Agsungot covered court, ning dakbayan.
Wala moila og homecourt advantage ang Pulangbato ug ilang gipakauwawan ang Agsungot sa kaugalingon nilang balwarte.
Ang trayanggulo nilang Fructuo Miñoza, Welmer Paloma ug Joey Bontuyan maoy mitimon sa Pulangbato nga nagkumboya og 54 puntos. Si Miñoza mikulit og 21 puntos, si Paloma mitampo og 20 puntos, samtang si Llaguno mitimang og 13 puntos sa maong kadaugan.
Si Junrey Villacorte, kinsa mipabuto og 20 puntos maoy nangulo sa Agsungot, gisundan ni Elrix Jugalbot sa iyang 14 puntos.
Puntos matag usa
Pulangbato(79) — F. Miñoza 21, W. Paloma 20, J. Llaguno 13, J.Bontuyan 5, J. Velasquez 5, W. Miñoza 2
Agsungot (72) -- J. Villacorte 20, E. Jugalbot 14, A. Bordadora 9, J.Almatiera 4, J. Alfonso 2
(Lemuel Maglinte, CNU Communication Intern)