Walay bisan usa ka Sugbuanon ang nakasulod sa singles event sa Cebuana Lhuillier Men’s Open Tennis Championships sa Baseline Sports and Recreation Center tennis courts.
Matawag kini nga all-Manila showdown human si Francis Largo napilde ngadto sa seeded no. 8 Ralph Kevin Barte, 1-6, 0--6 sa ilang engkuwentro sa second round kagahapon.
Si Barte moharong sunod ni Johnny Arcilla, kinsa miabante human sa iyang 6-2, 6-2 nga kadaugan batok ni Ronald Joven.
Gawas ni Largo, napukan sab si Christian ‘Babaw’ Tiongko batok sa laing top-rated nga si Patrick John Tierro, 4-6, 4-6.
Si Tierro midaog sab batok ni Soo-han Chung, 6-1, 6-3, samtang midaog sab si Rocky Paglalunan pinaagi sa pagpa-undang ni Alexander Lazaro, 6-0, 3-0.
Sa doubles competition, sila si Arcilla ug Tierro yano ra kaayong misakmit sa ilang kadaugan batok nilang Michael Quiñones ug Mark Balce, 6-2, 6-2.