Gipakgang sa San Roque Royale United (SRRU) booters ang nanulong nga Nasipit Football Club nga nagbase sa Mindanao, 9-1 sa men’s open sa 8th National Inter-Club Football Tournament kagahapon didto sa University of San Carlos-Talamban Campus fields.
Ang Pinoy.com Team nakaangkon sab og laing rekord human midaog sa Davao Selection, 4-3, samtang ang Inter-Cebu Football Club mipukan sab sa Dipolog Football Club, 2-1 sa laing duwa sa men’s open division.
Sa 38-above division, ang Queen City FC-A mipukan sa ilang igsuong koponan Queen City FC-B dihang ila kining gisirohan, 6-0.Didto sa San Roque fields sa dakbayan sa Mandaue, ang Queen City United (QCU) FC mikulit og daog batok sa Melbourne FC, 6-0 sa ladies open division.