Ang Sacred Heart School-Jesuit (SHS-J) mohimo'g summer basketball clinic nga sugdan karong Abril 14 hangtod sa Mayo 3 diha sa SHS-J covered courts sa Mango Avenue, ning siyudad.
Himuon ang clinic sa matag adlaw’ng Lunes hangtod Biyernes gikan sa alas-8:00 hangtod sa alas-10:00 sa buntag . Bukas kini sa tanang kabataan nga nagpangedaron gikan sa sayes anyos ug pataas.
Ang mga tinun-an gikan sa nagkalain-laing tunghaan mahimong makaapil sa tinuig nga clinic nga gimugna sa tunghaan sud na sa tulo ka dekada.
Adunay managlahing programa alang sa beginners ug advanced players. Ang clinic motutok sa ball-handling, footwork, passing, shooting ug defense.
Modumala sa training mao sila si Rommel Rasmo ug Bon Rosita, ang coaches sa defending champions sa Cebu’s Milo Best Pasarelle ug SBP tournaments niadtong miaging tuig.
Abagan kini nilang Jaysar Esperat, Jaymar Tacaldo, Jed Cabellon ug Priscillo Capangpangan.
Matud pa ni Rasmo nga ang basketball program sa SHS-J mosundog sa Ateneo de Manila basketball program.
Sila si Rasmo ug Rosito mga sakop sa coaching staff sa National Basketball Training Center (NBTC)-Cebu ubos sa pagdumala nilang Ramon Fernandez ug Eric Altamirano.
Ang registration fee nagkantidad og P1,700 libre na ang uniform ug basketball. Nagpadayon karon ang registration diha sa SHS-J Mandaue Campus. Alang sa dugang kasayoran tawag lang sa 345-4378.