Ang Don Bosco Greywolves mipulbos sa Pajo Selection sa iskor nga 76-63 aron pagharos sa lima ka duwa sa elimination round sa 1st Hapee-Online Challenge Cup 17-Under basketball tournament didto sa Don Bosco gym sa Barangay Punta Princesa, ning dakbayan.
Gidominar sa Don Bosco ang tibuok duwa sa pagpangulo ni Marion Bollozos kinsa miposte og 20 puntos nga igo na sab kaayo alang kaniya nga ilhon isip "Dewfoam Best Player of the Game.
Sa laing bahin, ang Hapee online Basketball Camp mosikad karong Abril 1 diha sa Cogon-Ramos Gym, ning dakbayan.
Gawas sa dakbayan sa Sugbu ug Minglanilla, ang Hapee Online mopahigayon sab og susamang kalihukan sa Ormoc City, Danao City ug sa Lapu-Lapu City.
Alang sa dugang kasayoran, mahimong motawag sa 256-2059 o 0928-6544797 or e-mail sa onlinecamp1@yahoo.com.ph