Ang Herea Salon ug Kidneycare miposte sa ilang ikaduhang sunod-sunod
nga kadaugan sa season opening sa 2008 K Gallery Basketball Tournament didto sa Visayan Glass Gym sa barangay Guadalupe, ning siyudad.
Gitunolan sa Herea Salon ang Bambi Cooking Oil sa labing una nilang pilde sa iskor nga 70-68, samtang ang Kidneycare wala kaayo maglisud pag-angkon sa ilang 80-70 nga kadaugan batok sa MJV Builders.
Ang Bambi Cooking Oil may purohan unta nga modaog sa nahabiling siyete segundos sa duwa, apan ang 3-pointer ni Vernini Tangarorang igo lang misimhot sa ring dayong kapupos sa oras.
Si Tangarorang, ang kanhi USC Warriors mitapos og 14 puntos, apan si Mark Villagonzalo maoy topscorer sa iyang 15 puntos.
PUNTOS MATAG USA
Herea Salon (70) - Daño 11, Abapo 10, Añabieza 9, Maloloy-on 9, Quibol 8, Pancho 7, Berido 5, Maloloy-on 3, Sombrio 2, Polistico 2, Doblas 2, Minguito 2
Bambi (68) - Villagonzalo 15, Tanggarorang 14, Yong 12, Mansueto 9, Paspie 9, Dejaño 5, Alvarez 2, Castañeda 2
Quarterscores: 21-16, 41-36, 58-52, 70-68