Hingpit na gyud nga mibalhin si Shaquille ‘Shaq’ O’Neal ngadto sa Phoenix Suns kagahapon.
Ang four-time champion nga si O’Neal mainitong gihangop ni coach Mike D’Antoni ug ingon man sa bag-o niyang teammates.
Ang pagtapon ni O’Neal makadugang og kahait sa opensa sa naglagiting nga Suns ug mao sab kini motapak sa buslot sa ilang playoff puzzle.
Sa miaging tuig, ang Suns mitapos sa konperensiya nga adunay 61-21 win-loss record ug posibleng matupngan nila kini ning tuiga human miarangkada og 34-14 win-loss record.
Miduwa ang Suns sa NBA isip expansion team niadtong 1968 ug makadaghan na kini makaduwa og finals apan wala kini makatilaw og korona.
Bugti sa ilang pagbuhi ni O’Neal, ang Heat mikuha ni all-star forward Shawn Marion ug guard Marcus Banks. (Yoyo R. Abayan)