Katloa'g-unom (36) ka batan-ong basketball talents gikan sa nagkadaiyang tunghaan sa dakbayan sa Sugbu ang pormal gipaila isip pioneering batch sa National Basketball Training Center (NBTC)-Cebu niadtong miaging adlaw didto sa City Sports Club-Cebu.
Ang mga magduduwa nga nadala sa NBTC-Cebu gibahin ngadto sa duha ka age brackets: 14-15 ug 16-17 ug sugdan sila'g hashas karong Pebrero 2 diha sa University of San Carlos gym.
Mayoriya sa mga trainees sa 14-15 age bracket naggagikan sa University of San Carlos (USC) nga naglakip nilang Chino Uy, Kareem Alocillo, John Vincent Sepe, Sherwin Co, James Neil Sumayang, Kim Jordan Nuneza ug Dominic Nazareno.
Ang Sacred Heart School-Jesuit (SHS-J) adunay unom ka players nga sila si Joseph Roma, Jerry Seno, Jasper Diaz, Jay Christian, Justin dela Cruz ug Rene Sta. Maria.
Ang uban mga luna napunta nilang Miko Adam Marquez, Clint Muñez ug James Regalado sa University of San Jose-Recoletos (USJ-R), Rhaffy Octubre ug Edcor Pippoy Marata sa University of the Visayas (UV) ug Sean Emmanuel Nicdao sa Apas High School (APS).
Si Elmer Mykel Cabahug sa SHS-J, ang anak ni Elmer 'Boy' Cabahug, maoy mangulo sa trainees sa 16-17 bracket. Uban niya mao sila si John Michael Abad, RG Rios, Eugene Viagedor ug Chobby Dano sa UV, Alfred Codilla, Marty John Pearce, Jeff Ryan Alviva, Pelayo Cabanero III ug Leymund Babad sa University of Cebu (UC), John Phillip delos Santos, Robert Codilla, Sam Jordan Hermosa ug Nilton John Otida sa USC.
Ang laing duha ka luna nakuha nilang Jaime Henri Babiera sa University of Southern Philippines Foundation (USPF) ug Kongston Virgil Ang sa Philippine Christian Gospel School (PCGS).
Ang trainees mogahin una og usa ka oras nga senemanang training hangtod sa Holy Week, dayon kaduha sa usa ka semana hangtod nga mokompleto ang 60 ka oras o upat ka buwan nga training regimen nga gidesinyo ni coach Eric Altamirano.
Si Ramon Fernandez mikuha sab og unom ka coaches nga moabag kaniya atol sa training. Kini naglakip nilang Roel Gomez, Calib Gawangon, Rommel Rasmo, Bon Rosito, Sesum Asignar ug Rolando Remedio.
"The program is designed to develop great regional basketball players that would excel in the international basketball scene at an early age," matud pa ni BAP-SBP Executive Director Patrick Gregorio.