Ang National Basketball Training Center (NBTC) ilusad dinhi sa Sugbu karong Enero 21-22 diha sa Cebu City Sports Complex.
Mao kini ang gipadayag ni NBTC-Cebu training director ug kanhi four-time MVP sa PBA nga si Ramon 'El Presidente' Fernandez.
Suma pa ni Fernandez, nga iyang gidapit ang mga basketball leaders sa maong kalihukan nga naglakip ni Samahang Basketbol ng Pilipinas (SBP) Chairman Manny V. Pangilinan, SBP Executive Director Patrick 'Pato' Gregorio, Julio Sy sa Tao Corporation ug coach Eric Altamirano.
Matud pa usab ni Fernandez nga ang mga players mosalmot imbitahon sab sa launching ceremony uban sa ilang mga ginikanan, coaches ug athletic directors karong Enero 21.
Lain pang mga aktibidades sa maong adlaw naglakip sa training of associate coaches ug coaches sa buntag.
Matud ni Fernandez nga mga sakop sa media dapiton sab sa maong kalihukan sa higayon nga makadawat kini og kompirmasyon gikan sa mga opisyales sa BSP.