Andam na ang tanang alang sa kick off sa 2008 motocross season nga sugdan pinaagi sa Barangay Captain Manuel Wagas Cup karong Enero 20 diha sa Barangay Tuburan, sa Jubay, Liloan.
Bisan og ang lumba natumong sa Sinulog festival, wala kini makahatag og kabalaka ni organizer Lou Ornopia gumikan kay si Wagas nakakuha'g dakung suporta sa mga riders ug sa local residents.
Napruybahan kini niadtong miaging tuig dihang ang kick off leg sa motocross competition mikabig og daghang crowd bisan og nagkadungan kini sa Sinulog.
Matud pa ni Ornopia nga padayon gihapon silang nagmapa sa mga iskedyul alang sa 2008. Lakip na niini ang pag-inat series ngadto sa 12 ka legs. Sa miaging tuig, ang series aduna lay 11 ka legs diin sa Jubannie Abellar maoy midaog sa Rider of the Year (ROY) title.