Gitahasan ang University of Cebu (UC) nga mangulo sa 14-member swim team nga modala sa ngan sa Cebu sa ipahigayong 11th Negros Oriental Invitational Age-Group Governor's Cup Swim Meet karong Disyembre 8 ug 9 didto sa Gov. Lorenzo Teves Memorial Aqua Center sa Dumaguete City.
Ibala sa UC-Cebu Blue Marlin swimming club mao sila si Noel Cañeda, Jeffrey Yana, Michael David Vega ug Marlon Galo, Renan Gabriel Tapang nga maoy mangulo sa team. Lain pang mga sakop sa Cebu Swimming Team mao sila si Anthony Linn Navarro sa Cebu Eastern College ug Eldy Banluta sa Marco Polo Plaza Hotel.
Sila si Diane ug Trina Cañeda ug Paula Abigael Vega sa UC maoy mangu sa habig sa babaye uban nilang Patricia Mae Baguio ug Kaitlin Capacio sa St. Theresa College, Lyh Ann Navarro sa CEC ug Beth May Arellano sa Subangdaku Elementary School.
Sila si Tapang, Navarro ug Capacio molangoy sa 6-under, 7-8 ug 13-14 category, samtang sila si Navarro ug Arellano mopakita'g aksiyon sa 9-10 division. Sila si Trina Cañeda ug Baguio mo-compete sa 11-12 category, sila si Banluta Galo ug Diane Cañeda molangoy sa 18 ug pataas nga kategoriya. Ang nahabilin molangoy sa 15-17 category.