Dul-an sa 30 ka teams gikan sa upat ka age divisions ang gitakdang mopakita'g aksiyon sa 2007 Sambag I Guardo Cup Christmas Basketball League nga sugdan karong Sabado sa hapon didto sa Barangay Sambag I Sports Complex, ning siyudad.
"Sports is a tried and tested way of keeping our youth away from drugs and other vices that is why we're continuing our support to this annual event," matud pa sa subling napiling Sambag I barangay captain Jerry L. Guardo.
Mga kategoriya nga naglakip ning tulo ka buwan nga torneyo mao ang seniors (35 years old and above), junior (18-above), midget (17-under) ug mini (12-under).
Ang makampiyon sa seniors, juniors ug midget makadawat og P5,000, ang second placers makaangkon P3,000 ug ang third placers mobulsa og P2,000.
Ang top three winners sa mini division makadawat og P3,000, P2,000 ug P1,000 matag usa.
"This is also our own way of providing our constituents some lively and colorful activities as Christmas season is just around the corner," dugang pa ni Guardo.
Ang torneyo mosunod og single round robin format sa tanang age classifications, diin ang top two magsangka sa tinaktakay nga kampiyonato.
Ang maong kalihukan gipasiugdahan sa Sambag I Barangay Council ubos sa liderato ni Guardo uban sa Arthro Kontra Arthritis, Kidney Care ug Heartvit.
Alang sa dugang kasayoran ug registration, tawag lang sa 418-4895.