Bumangon ang Ateneo sa pagkatalo sa unang set at kinuha nila ang sumunod na tatlo upang igupo ang University of Santo Tomas, 20-25, 25-21, 25-19, 25-22 para makapuwersa ng playoff para sa ikalawang finals berth sa pagtatapos ng semifinal round ng Shakey’s V-League Second Conference sa The Arena sa San Juan.
Bumandera si Lithawat Kesinee sa Lady Eagles sa kanyang 29 points habang nagtulong sina Ma. Carmina Acevedo at Ma. Rosario Soriano ng 16 at 14 points, ayon sa pagkakasunod para sa Ateneo na nakinabang sa 3-of-4 incentive scheme para maipuwersa ang knockout duel sa alas-5:00 ng hapon bukas, para sa karapatang harapin ang San Sebastian.
Nauna rito, iginupo ng San Sebastian ang La Salle, 25-21, 25-20, 25-17, upang magtapos na may pinakamagandang record na 10-1 record sa torneong sponsored ng Shakey’s Pizza at inorganisa ng Sports Vision.
Ito ang ikalawang pagkakataong nanalo ang Ateneo sa UST sa kumperensiyang ito dahil nanalo rin sila sa five sets sa elimination sanhi ng kanilang pagtatabla sa 8-3 win-loss slate.