Ang M. Lhuillier-San Carlos Boys High Alumni Basketball Association (SCBHABA) ug Metro Cebu Basketball Association (MCBA) mikutlo sa ikatulo nilang sunod-sunod nga daog aron pagsawo sa liderato sa Bracket B sa 1st MP Cup Invitational niadtong Sabado didto sa University of San Carlos (USC) main gym.
Samtang ang MCBA hapsay kaayong naglawig ngadto sa 82-69 nga kalampusan batok sa kanhi way pildeng Barkada-Rama Boys, ang M. Lhuillier-SCBHABA nanginahanglan pa og dugang singko minutos sa wala pa nila angkona ang 85-82 nga kadaugan batok sa Cocoroj-Iglesia Ni Cristo (INC), 85-82.
Si Dindo Sausa mikulit og 23 puntos, samtang si Virgil 'Bing' Pua midugang og 18 markers sa SCBHABA, nga nagsawo karon sa liderato uban sa MCBA nga adunay managsamang 3-0 win-loss records.
Si Romeo Montefalcon, Jr. ug Marvin Sillar mitali og 17 puntos matag usa, samtang si Cesar Visayas mitampo og 16 puntos, apan nakawang ang ilang paningkamot gumikan kay ang Cocoroj-INC nakatilaw sa ikatulo niining kaparotan nga gi-atbangan lamang og usa ka daog.
Puntos matag usa
Unang duwa:
MCBA (82) - Remedios 20, Bargamento 20, Ortiz 11, Sabellana 11, Ganancial 10, Daclines 8, Adlawan 2
Rama Boys (69) - Zamora 22, Molina 16, De la Calzada 12, Alcover 8, Dysam 4, Baculio 4, Rama 3
Ikaduhang duwa:
SCBHABA (85) - Sausa 23, Pua 18, Lu 9, Aauza 8, Odulio 8, Zanroia 7, Diaz 5, Amores 4, Medija 2
INC (82) - Montefalcon 17, Sillar 17, Visayas 16, Lapuz 10, Mata 9, Rusia 9, Casdenas 2, Cañete 2