Dinomina ng University of Santo Tomas ang Letran sa kanilang mahusay na all-around game tungo sa 25-13, 25-14, 25-13 panalo upang lumakas ang kontensiyon sa Shakey’s V-League Second Conference na nagpatuloy sa The Arena sa San Juan kahapon.
Nagdeliber si Maria Angeli Tabaquero ng 12 points sa attacks at 11 naman kay Venus Berna na nag-ambag din ng 12-point para sa Tigresses, may tatlo nang paalo sa apat na laro para sa second place.
Nagtala rin ang guest player na si Suzanne Roces ng 11-puntos upang ipalasap sa Letran ang ikaapat na talo kaya kailangan nilang manalo sa huling tatlong laro upang manatiling nasa kontensiyon sa torneong sponsored ng Shakey’s Pizza at inorganisa ng Sports Vision.
Samantala, ang UST-Letran match ay ipapalabas sa NBN-4 ngayong alas-2:00 ng hapon at para sa updates, maglog-in sa www.v-league.ph.
Nahirapan ang guest player ng Letran na si Marinel Carolino na naka-isang puntos lamang. Tumapos si Cindy Optana ng walong puntos, pito kay Rossan Fajardo at tig-lima sina Joy Cases at Marie Burce na nawalan ng silbi sa kabiguan ng Lady Knights.