Miagi pa og kalisud ug kakulba ang Abrenica Engineering una nila maangkon ang labing unang daog sa ilang pakigsangka batok sa Team Firefly sa iskor nga 68-66 sa open division sa 2007 Talisay City Mayor’s Cup basketball tournament sa Talisay City Sports Complex.
Ang trayanggulo nilang Diosdado Iglamo, Albert ug Jerome Villaver nga nagkumboya og 48 puntos maoy yawi sa Abrenica paglungkab sa tam-is nga kadaugan. Ang Abrenica nagbitbit na og 1-2 win-loss record.
Sa pasiunang duwa, ang Poblacion I mikulating sa San Roque, 80-70 sa kumbati sa seniors division.
Sa Sangguniang Kabataan (SK) division, ang Dumlog wala kaayo makapasingot og maayo ug midaog kini pinaagi sa default batok sa Lawaan 3A.