Ang ACN Binglens mipahimos sa ilang kasinatian aron pag-angkon og 72-69 nga kadaugan batok sa Argao Personal Collection aron magbinugtong sa liderato sa Open division sa 2007 Talisay City Mayor's Cup basketball tournament diha sa Mandaue City Sports Complex.
Ang kanhi bitoon sa komersiyal nga liga nga si Michael Dumdum miduslit og 20 puntos alang sa ACN Binglen, gisundan ni Jonathan Canceran nga mihirit og 17 puntos.
Sila si Daryl Smith ug Ope Abellana nagkumboya og 31 puntos alang sa ilang koponan nga milansang sa ilang sunod-sunod nga daog.
Sa laing bahin, Biasong nga gipangulohan ni Allan Abellana midaog batok sa Lawaan sa iskor nga 60-52 sa kumbati sa seniors division.
Pobre kaayo og performance si Abellana sa unang kuwarter, apan ang nagdilaab niyang kainit iyang gipahungaw sa sunod nga tulo ka kuwarter aron pagpangulo sa Biasong sa iyang 20 puntos.
Sa Sangguniang Kabataan (SK) division, ang Cansojong yano ra kaayong mikulit og daog batok sa Dumlog pinaagi sa paglubong sa iskor nga 91-72.
MGA ISKOR
Unang duwa:
(SK)
Cansojong (91)
Abasanta 20, R. Pogoy 20, Salgado 20, Dicierdo 12, Bacusmo 6, Manguroban 2, Oca 2, Pogoy 2, Sotes 2
Dumlog (72)
Villarin 14, De la Cuesta 13, Espanol 11, Guba 10, Alisoso 10, De la Calzada 7, Flores 6, Obeso 5, Del Rosario 3
Ikaduhang duwa:
(Seniors)
Biasong (60)
Abellana 19, Dagohoy 9, Baller 7, Hisoler 7, Restauro 4, Fabrica 4, Cabellon 2, Canon 2, Laion 2, Baller 1
Lawaan (52)
Pamatong 18, Cacheco 15, Gabica 4, Rabadon 4, Bartilic 2,Paquit 2, Abatayo 1
Ikatulong duwa:
(Open)
ACN Binglens (72)
Dumdum 20, Canceran 17, Smith 16, Abellana 15, Ortega 3, Redolosa 1
Argao (69)
Abobo 13, Allawan 10, Bonachita 8, De los Santos 8, Tapere 8, Aninon 6, Escalante 6, Sampelo 4, Boltiador 3, Birondo 2, Cahilig 1