Ang kagamhanan sa dakbayan sa Mandaue mohulma og cheerdance group sa ilang basketball ug volleyball teams alang sa umaabot nga mga kompetisyon nga modala sa ngan sa siyudad.
Gumikan niini, ang sports coordinators sa Mandaue mopahigayon og audition alang niadtong interesado nga himuon ugma sa alas-7:00 sa gabii diha sa Mandaue City Cultural and Sports Complex.
Kinahanglan nga ang mga aplikante residente sa Mandaue ug maantigong mosayaw. Nagpangedaron gikan sa 16 ngadto sa 18 anyos ug adunay gitas-on nga dili momenos sa 5'5".
Alang sa dugang kasayoran kalabot sa audition, tawaga lang si Nanette Cortes sa (032) 422-8633 ug 0915-4531912 o dili ba ni Anthony Ceniza sa 0916-7937316.