Tinalo ng St. Scholastica’s College, San Beda-Alabang at Miriam College ang kani-kanilang kalaban para palakasin ang katayuan sa WNCAA 38th season volleyball tournament sa RTU gym.
Noong Sabado, ginapi ng Miriam Katipuneras junior team ang La Salle College Antipolo Voyagers, 26-24, 25-20, 25-13, habang sa midgets squad nanaig ang De La Salle Zobel Green Archers, 25-13, 21-25, 25-18.
Nanaig din ang kanilang senior counterparts laban sa University of Asia & the Pacific, 29-27, 25-14, 25-21, sa sumunod na araw.
Binuksan naman ng St. Scho ang kanilang pagdepensa sa junior title nang payukurin nila ang Chiang Kai Shek College, 25-10, 25-12, 25-6.
Tinalo naman ng SBCA juniors ang Angelicum College, 25-10, 25-14, 25-8, at ang kanilang seniors laban sa Philippine Women’s University, 25-10, 25-20, 25-15.