Si Alex Damole maoy miguwa nga labing unang mananaog sa monthly center finals sa 7th SM Cup Bowling Tournament diha sa SM City-Cebu Bowling Center.
Apan dili sayon ang dalan nga gi-agian ni Damole ngadto sa kalampusan gumikan kay iyang gipukan si Boy Gacho og uno punto lamang. Si Damole misilhig og 1, 968 pinfalls human sa siyam ka duwa, samtang si Gacho mitali og 1, 967.
Ang Ilongo nga si Ruben Ramirez nalandig sa ikatulong dapit bitbit ang 1, 964 pinfalls, samtang si Cynthia Kua mipahiluna sa ikaupat nga puwesto bitbit ang 1, 929 pinfalls ug gisundan kini ni Benjamin Jarantilla nga adunay 1, 898.
Mipatong sa ikaunom hangtud sa ika-16 nga puwesto mao sila si Henry Obligacion (1,846), David Schmitz (1,845), James Zuluaga (1,821), Nestor Ponteres (1,818), Jake Yap (1,818), Rey Velarde (1,794), Inday De Gracia (1,778), Nestor Longcanaya (1,709),Manny Sevilla (1,669),Gerardo Gasataya (1,500), ug Allan Morrice (1,205).
Ang top 16 1st Center qualifiers duna na karong higayon nga maglangkob sa Cebu team ngadto sa 1st National Finals karong Septiembre didto sa kaulohan diin ilang sangkaon ang Luzon finalists.
Ang mamahimong national champion makadaog og brand new nga Nissan Sentra, samtang dakong premyo ang ipang apud-apud sa uban pang mga nananog.