Ang gilauman sa Cebu nga si Jacob Lagman nisiguro gyod og usa ka pasaporte sa final sa boys 12-under category sa binakbakay sa Head Penn-Olivares Tennis Championships didto sa Olivarez tennis courts sa Parañaque City.
Si Lagman nilahos sa championship round human iyang gidabodabohan si John Maverick Ribaya sa sunod sunod nga sets, 6-1, 6-2.
Si Lagman, ang garbo sa St. Benedict Learning Center makigtakos ni Hans Asistio karon sa boys 12-under alang sa linaksiay sa korona.
Samtang sa boys 14-under, si Lagman niluhod ni Kim Polero, 2-6, 3-6.