Ang managsuong Siso nga sila si Sally Mae ug Bernardine 'Niño' nakalahutay pa sa ilang duwa aron pag-angkon og quarterfinal tickets sa 14-under category sa 12th Gullas Cup tennis tournament kagahapon sa duha ka managlahing binyu.
Gipakita ni Sally Mae Siso ang iyang kabangis pinaagi pagkulit og yano nga kadaugan batok ni Marian Jade Capadocia sa Antique, 6-1, 6-1 diha sa Casino Español de Cebu.
Sunod nga makontra ni Sally Mae mao si Mary Christine Bellita, kinsa mipukan ni Khara Lei Abadia, 6-4, 7-5. Uban nila sa sunod hugna mao ang laing pambato sa Sugbu nga si Cheska Tabotabo, kinsa midaog batok Joan Abarquez, 7-5, 6-3.
Didto sa Cebu Country Club, si Niño Siso nakaangkon sab og yano nga kadaugan human niya sirohi si Christian Melecio, 6-0, 6-0.
Si Kurt Gerapusco, nidaog sab pinaagi sa default batok ni Charles Cailing.
Uban nilang Siso ug Gerapusco sa sunod hugna mao sila si Juniel Abellanosa, James Bacansag, Christian Paul Cabahug, Kaye Fuentes, Ariel Torion ug Dan Eldred Cinco.
Si Abellanosa miposte og 6-1, 6-1 nga kadaugan batok ni Niño Mari Baylosis, si Bacansad niposte sab og daog batok ni Aladin Caminero, 6-0, 6-3, nidaog sab si Cabahug batok ni Eldan Maballanes, 6-1, 6-0, samtang si Fuentes mirehistro og daog batok ni Kaye Repunte, 6-0, 6-3.
Si Torion niposte sab og daog batok ni John Paul Necesario,7-5, 6-1 ug si Cinco mipukan ni Joel dela Torre, 6-3, 6-4.
Sa lower bracket, unang nitaak sa sunod hugna mao si Franklin Encarnacion human niya gipilde si Mark Dominic Bienes, 7-5, 6-1.
Sa laing bahin, ang quarterfinal cast sa boys 21-under hapit na nga makompleto human ang Fil-Am nga si Miguel Santiago mikulit og 6-4, 6-3 na kadaugan batok ni Danreb Donio ug si Larry Antigua mimakmak ni Lendel Capangpangan, 6-0, 6-1.
Laing quarterfinalists naglakip nilang Ryan Repunte, Ruel Baranggan, Jomer Pavo, Isabelo Oracion,Jr. ug James Karl Cañete.
Sa boys 16-under, miabante sa sunod hugna mao si top seeds Cyril Camporedondo, Gerald Lambayan, Jess Anthony Espinosa, Richard Fuentes, Ralph Ramirez, Kenny Orcullo, Israel Abarquez, Christian Melecio, Jayvee Canoy, Franklin Encarnacion, Dan Eldred Cinco ug Mart Campo.